Хасан Басриге жүрегінің қысылғанына, көңілінің тарылғанына шағымданып бір мүриді келеді.
– Шейхім! Жүрегім үнемі қысылады, ішім бір түрлі тыныштық табар емес, бітпейтін бір қайғы ішіндемін, - дейді мүриді.
Хасан Басри:
– Балам! Жүрек дертінің жалғыз дауасы – Алланы зікір ету. Зікіріңді тастама, зікір мәжілістеріне бар. Сол кезде жүрегіңнің дерті махаббатқа айналады! - дейді.
Міне, солар – иман келтірген әрі Алланы зікір етіп, еске алу арқылы жүректері жай табатын ізгі жандар. Ендеше, біліп қойыңдар! Жүректер Алланы зікір ету арқылы ғана жай тауып, толық қанағаттанады! (Құран: “Ра'д” сүресі, 28-аят).
материал «Тасаууф тұнығынан» кітабынан алынды,
ummet.kz