Сен амалдарыңды көркем түрде, ықыласпен орындауға тырыс. Ықылассыз орындалған амалдың еш пайдасы жоқ. Ықылассыз орындалған көп амал – бағасы арзан киім сияқты.
Ал ықыласпен орындалған аз амал – бағасы қымбат аз киім сияқты. Ол жақұтқа да ұқсайды: жақұттың пішіні кішкентай болғанымен, ол – өте бағалы, қымбат тас.
Кім жүрегін Алламен әуре қылса, азғырушы нәпсінің азғыруынан, жамандығынан емделеді, көп намаз оқып, көп ораза ұстайтын кісілерден абзал болады.
Ықылассыз оқылған намаз – патшаға 100 бос сандықты сыйға тартқанмен тең, ол кісі жазаға лайық болуы мүмкін. Ал ықыласпен оқылған намаз – патшаға 1000 динарлық жақұт сыйлағанмен тең. Патша оған риза болып, рақметін айтып жүреді.
Намазда сен Аллаға жалбарынасың және «Әс-сәләму алайка әйюһан-нәбию уә рахматуллаһи уә бәракәтуһ» деп Пайғамбармен (оған Алланың салауаты мен сәлемі болсын) сөйлесесің. Өйткені арабтар «әйюһар-ражул» сөзін тек жанында тұрған адамға айтады.
материал «Тәжул-арус» кітабынан алынды,
ummet.kz