Торайғыр ауырып жатқанда, жалғыз баласы Әбеттің сөзі. Өлейін деп жатқанда, Әбет деген жалғыз баласы бар екен: өзі мырза, өзі шора.
Атасы Торайғыр бидің қасына келіп:
– Әке, қалай боласыз? - депті.
– Қайдан білейін, мұнан бұрын өліп көріппін бе? - депті.
Сонда Әбет мырза жылаған екен дейді:
– Біз енді кімді әке қыламыз? – деп.
– Жылама, балам, жылама. Жақсы болсаң, өзің жұртқа әке боларсың. Жаман болсаң, әкесіз болам дейсің бе? Кім көрінген әке болар, - депті.
(Мәшһүр Жүсіп шығармалары, 12 томынан алынды)