Нәпсінің кемшілігі – қатар кұрбы-құрдаспен, жолдас-жорамен араласуға, қатынасып тұруға көңілі ауып тұруы.
Бұл кемшіліктен арылудың жолы: Пенде қалай болғанда да жолдастың ажырап кететіндігін, қатынастың уақыты келгенде үзілетіндігін білуі керек. Пайғамбардан (с.ғ.с) жеткен мынадай бір дерек бар.
Жәбірейіл періште пайғамбар Мұхаммед Мұстафаға (с.ғ.с): «Қанша ғұмыр кешсең де, түбінде өлесің. Кімді сүйсең де, ақыр соңында одан ажырайсың. Қалағаныңды істе, бәрібір жазасын көресің», – деген екен (Суюти).
Ғұлама Әбул-Қасыл әл-Хаким (Алла рақымына бөлесін): «Саф достықтан басқа достық дұшпандық. Сауапты іске жұмсалмаған дүние-мүліктен өзге жинаған дүние-мүлік қасірет. Дертке дауа болар қарым-қатынастан бөтен қарым-қатынас пайдасыз араласу», – деген екен.
материал «Нәпсі дертінің дауасы» кітабынан алынды,
ummet.kz