Шайтанның адамға қолданатын екі-ақ айласы бар:
Біріншісі — жақсылықтан қорқыту.
«Садақа берсең, малың азаяды», «Ақиқатты айтсаң, жұрттан айырылып қаласың», «Дініңе берік болсаң, өмірің қиындайды», «Қазір жасай салма, кейін үлгересің». Сөйтіп, адам жақсылықты кейінге шегере береді.
Екіншісі — күнәні әдемі етіп көрсету.
«Бір реттен ештеңе болмайды», «Бәрі осылай істейді».
«Әлі жассың», «Кейін тәубе етерсің».
Сөйтіп, адам күнәға бір қадам басады. Одан кейін тағы бір қадам. Ақырында күнә оған қалыпты нәрсе болып көрінеді.
Есіңде болсын: Шайтан сені күнәға бірден шақырмауы мүмкін. Бірақ ол жақсылықты кейінге қалдыртып, күнәні кішкентай етіп көрсетеді.
Сондықтан өзіңе қара:
Жақсылықтан қорқып жүрсің бе? Күнәні жеңіл көріп жүрсің бе? Онда сен шайтанның айласына түсіп қалған болуың мүмкін.
Жақсылықты кейінге қалдырма. Күнәні ақтама. Шайтанмен саудаласпа. Өйткені оның мақсаты — сені бір күнде емес, біртіндеп құрдымға сүйреу.
материал «Иғасатул-Ләһфан» кітабынан алынды,
ummet.kz