Бүгін Шымкент қаласындағы «Сейітжан қари Есжанұлы» мешітінде Қазақстан мұсылмандары діни басқармасының ұйымдастыруымен «Ихсан – рухани тәрбие мектебі» тақырыбында республикалық ғылыми-тәжірибелік конференция басталды.
Конференция жұмысына ҚМДБ Төрағасы, Бас мүфти Наурызбай қажы Тағанұлы, белгілі ғалымдар – Зәріпбай Оразбай, Досай Кенжетай, Мұхан Исахан, Батыржан Мансұров, мәдениет қайраткері – Бекжан Тұрыс, зиялы қауым өкілдері, имамдар мен медресе-колледж шәкірттері қатысуда.
Айта кетсек, конференцияны ұйымдастырудағы мақсат – қоғамды ізгілікке үндеу, жастар арасындағы жаман әдеттерді болдырмау, жамағатты әрбір ізгі амалды көркем түрде орындауға шақыру, бұқара халық ішінде бауырмалдық қасиеттерді қалыптастыру.
