Бүгін «әс-Сәлам» мешітінің бас имамы Нұрбол Абсаттарұлы Ұлы Отан Соғысының ардагері Кашеков Жапаш ақсақалдың үйіне зиярат етіп барды.
Майдангер қарияның хал-жағдайын сұраған Нұрбол Абсаттарұлы бас мүфтидің сәлемін жеткізді. Сондай-ақ мешіт атынан сый-сияпат тарту етті. Жасы тоқсаннан асса да тық қалпын сақтаған қажырлы қария келген қонақ имаммен емен-жарқын сұхбаттасып, бастан өткерген сұрапыл жылдарды еске алды әрі сол күндердің қайта оралмауын тілеп, батасын берді.
«Нұр Астана» орталық
мешітінің баспасөз қызметі