Бүгін Бас мүфти Наурызбай қажы Тағанұлы Талдықорған қаласында өткен «Ислам және отбасы құндылығы» республикалық конференциясында осылай деді.
«Ардақты Пайғамбарымыз (оған Алланың салауаты мен сәлемі болсын) ер-азаматтарға қарата: «Сендердің ең жақсыларың – әйелімен жақсы қарым-қатынаста болғандарың» десе, «Қандай әйел ең жақсы?», – деп сұрағанда, Пайғамбарымыз: «Күйеуі оған қарағанда, оны қуантатын, ол оған бір нәрсе бұйырғанда, мойынсұнатын, өзіне және өзінің мал-мүлкіне қатысты бір нәрсе ұнамай тұрса да күйеуіне қарсы келмейтін әйел», – деп жауап берген.
Өзі жақсы болған және баласына жақсы тәрбие берген ер мен әйелдің отбасына береке орнайды. Мұның ең алғашқы шарты – ерлі-зайыптылардың бірін-бірі сыйлауы, өзара кешірімді, мейірімді болуынан әрі сыйластықтан басталады» деді ҚМДБ Төрағасы.
Айта кетейік, конференция қатысқан зиялы қауым өкілдері отбасы құндылығына қатысты ой-пікірлерін ортаға салып, ұсыныстарын жеткізді.
