Арафа күні және Арафатта тұрудың сүннеттері

Арафа күні және Арафатта тұрудың сүннеттері

• Арафа күні күн шыққаннан кейін Арафат жаққа қарай бет алу
• Намира мешітінде түскі намаздан бұрын Имамның екі хұтба оқуы
• Аузы берік болмау (ораза тұтпау)
• Күн тал түстен ауғаннан кейін мүмкіндік болса, ғұсыл құйыну
• Арафатта тұруға бар ықыласпен дайын болу
• Бесін және екінті намаздарын бесін уақытында бірге қосып оқу. Намаздың осылай бесін уақытында біріктіріліп оқылуын «жамғу – тақдим» деп атайды.
• Бұл намаздардан кейін дереу уақфа жасау
• Уақфа жасаған уақытта дәретті болу
• Уақфаны «Жәбәлул-рахмә» деген төбенің қара тастарында жасау
• Уақфа жасаған уақытта құбыла жаққа бет бұрып, түрегеп тұру
• Арафатта бар ықыласпен өзі үшін, әке-шешесі және жалпы мұсылман бауырлары үшін дұға жасау, тілек тілеу. Өйткені Пайғамбарымыз (с.а.у.): «Дұғалардың ең қайырлысы – Арафа күні жасалған дұға» (Жамиъ сағир), – деп бұйырған.
• Күні бойы тәлбия, тәкбір, зікір, тәсбих, салауат айтып, күнәларына кешірім тілеу
• Арафаттағы жолдарда уақфа жасамау
• Күн батқаннан кейін Арафаттан баяу жүріспен түсу

Ummet.kz