ҚМДБ Төрағасы, Бас мүфти Наурызбай қажы Тағанұлы 2023 жылға арналған Төралқа мәжілісіндегі бағдарлық баяндамасында діни саладағы 5 бағытты атап өтті.
«Қазақстан мұсылмандары діни басқармасы 2022 жылы жеті бағыт бойынша жемісті қызмет атқарды. Ал биыл мүфтият жұмысты одан ары жүйелеу, жандандыру мақсатында бес бағытқа басымдық береді. Олар – дін мен дәстүр; ізгі қоғам; ихсан және насихат; діни оқу-ағарту, жат діни ағымдардан сақтандыру» деді Бас мүфти.
Айта кетейік, бүгін елордасы Астанада Қазақстан мұсылмандары діни басқармасының кеңейтілген Төралқа мәжілісі өтіп жатыр.
