Елімізде жарияланған төтенше жағдайға байланысты ҚМДБ Төрағасы, Бас мүфти Наурызбай қажы Тағанұлының бастамасымен еліміздің түрлі аймағындағы блокпосттарды күзетіп тұрған сарбаздарға ыстық тамақ пен азық-түліктер таратылды.
«Зекет және қайырымдылық» қорының ұйымдастыруымен Отанымызға қиындық туған сәтте блокпосттарда тұрып, ел тыныштығын күзеткен 5200-ге жуық сарбазға және 1000-нан аса жолда қалған адамдарға ыстық тамақ пен азық-түлік таратылып, қолдау көрсетілді.