15 сәуір. Нұр-Сұлтан. Ummet.kz – Астанада бірқатар бағдардың қозғалыс кестесі үш ай мерзімге өзгертілді, деп хабарлайды Астана LRT компаниясына сілтеме жасаған ummet.kz тілшісі.
15 сәуірден 1 шілдеге дейін № 2, 32 және 73 бағдарларының қозғалыс кестесі өзгереді.
Күмісбеков көшесінің С.Сейфуллиннен Абай көшесіне дейінгі аралығында жол жөнделетіндіктен осы учаскедегі автобус қозғалысы уақытша шектеледі.
№ 2 бағдар «Бал бала» балабақшасы бастапқы аялдамасынан Күмісбеков көшесі - Сейфуллин көшесінің қиылысына дейін өзгеріссіз, одан әрі Жеңіс даңғылымен солға, одан әрі Н.Тілендиев даңғылымен оңға, одан әрі бекітілген қозғалыс сызбасына сәйкес қатынайды. Кері бағытта да жоғарыда аталған сызбамен жүреді.
№ 32 бағдар «Бал бала» балабақшасы бастапқы аялдамасынан Күмісбеков көшесі - Сейфуллин көшесінің қиылысына дейін өзгеріссіз, әрі қарай Сарыарқа даңғылынан оңға, одан әрі Кенесары көшесіне солға, одан әрі бекітілген қозғалыс сызбасына сәйкес қатынайды. Кері бағытта да жоғарыда аталған сызбамен жүреді.
№ 73 бағдар «Бал-бала» бастапқы аялдамасынан Күмісбеков көшесі мен Сейфуллин көшесінің қиылысына дейін өзгеріссіз, одан әрі Сейфуллин көшесінен тура, одан әрі бекітілген қозғалыс сызбасына сәйкес қатынайды. Кері бағытта да жоғарыда аталған сызбамен қатынайды.