Алматы қаласындағы мемлекеттік орталық музейде 2021 жылдың 24 қыркүйегінде “Киімнің киелісі – кимешек” көрмесі ашылды.
Көрмеде музей қорындағы ХІХ ғасырдың екінші жартысы – ХХ ғасыр аралығына тән Қазақстанның әр өңірінен жинақталған қазақ әйелдерінің кимешегі мен оны безендіруге арналған зергерлік бұйымдар қойылды.
Соның ішіндегі көнесі – Қарағанды өңірінен алынған 200 жылға жуық тарихы бар кимешек. Кимешек – с. Жалпы кимешектің 16 түрі белгілі, оның 12 түрі Қазақстан Республикасы мемлекеттік орталық музей қорында сақталған.
“Көрменің мақсаты – қазақ халқының дәстүрлі мәдениетінің тамырын сақтап, оны дамыта отырып, болашақ ұрпақтың рухани, мәдени кеңестігін, ұлттық сана-сезімін және рухани иммунитетін қалыптастыру. Мемлекеттік орталық музей қорындағы кимешектердің түрлері арқылы көпшілікке кеңінен таныстыру және насихаттау”, – деп көрсетті мемлекеттік орталық музейдің баспасөз қызметі.
дереккөз: sputnik.kz