Бүгін «Әбу Насыр әл-Фараби» мешітіне ҚМДБ Төрағасының орынбасары, наиб мүфти Ершат Оңғаров жұма намазына қатысып, жамағатпен жүздесті.
«Уақып – сарқылмас қазына» тақырыбында жұма уағызын жүргізген Ершат Ағыбайұлы уақып ұғымының Ислам дініндегі орнына кеңінен тоқталды.
Уағыз барысында уақып мәселесінде Ислам шариғаты заң жағынан жан-жақты зерттеліп, қалыпқа түскендігімен ерекшеленетінін, уақыптың көптеген мақсаттары мен түрлерін, қоғамда атқаратын ролін атап өтті. Уақыптың үш түрі: қайырымдылық уақып, діни уақып және ұрпаққа арналған уақыптың бір-бірінен айырмашылықтары жамағатқа толығырақ айтылды.
Насихат соңында наиб мүфти жамағатты өзгелерге көмектесуге, адамдарға жәрдемші болуға шақырды. Алла Тағала баршаларымызды қоғамға пайдалы етіп, қасиетті жұма күнгі дұға-ниеттерімізді қабыл болуына арнайы дұға жасады.
ummet.kz