Осыдан бірер күн бұрын ҚМДБ Нұр-Сұлтан қаласы өкілдігінің ұйымдастыруымен «Рамазан сыйлығы» атты қайырымдылық шарасы басталған болатын.
«YDA» холдингінің демеушілігімен аталмыш шара аясында Елордамыздағы 1 400 мұқтаж отбасыға азық-түлік сөмкелерін табыстау басталған болатын.
Игілікті шараның жалғасы ретінде кеше республикалық «Әзірет Сұлтан» мешіті қаламыздағы № 86 мектеп-гимназиясының ұстаздар қауымына «Рамазан сыйлығын» табыстады. Білім жолындағы ұлағатты ұстаздардың жұмысына береке тілеп, қасиетті Рамазан айымен құттықтады.
