20 қараша. АСТАНА. Ummet.kz – Египет Араб Республикасының Президенті Әбдел Фаттах Сиси Бас мүфти Серікбай Сатыбалдыұлын I дәрежелі ғылым мен өнер орденімен марапаттады, деп хабарлайды ҚМДБ баспасөз қызметіне сілтеме жасаған ummet.kz тілшісі.
Мысырдың Уақыф министрлігінің ұйымдастыруымен әл-Әзһар университетінде өткен пайғамбардың туған күні – мәуліт мерекесі аясында Ислам ғылымына үлес қосқан бірқатар ойшылдар мен ғалымдарды марапаттау шарасы өтті.
Ислам дініне, білім мен ғылымға еңбегі сіңген қайраткерлердің арасында Қазақстан мұсылмандары діни басқармасының төрағасы, Бас мүфти Серікбай қажы Ораз да аталып өтті.
