4 қыркүйек. Нұр-Сұлтан. Ummet.kz – Нұр-Сұлтанда 6 қыркүйекте қоғамдық көлік қозғалысы бір күнге тоқтатылады, деп хабарлайды sputniknews.kz сайтына сілтеме жасаған ummet.kz тілшісі.
Нұр-Сұлтанның көлік компаниясы жексенбіде автобустар мен автопарктерде дезинфекция жасауды жоспарлап отыр
«Жексенбіде қоғамдық көлік қозғалысы бір күнге тоқтатылады. Бұл күні автобустар мен автопарктерде дезинфекциялық жұмыстар жүргізіледі», - делінген әкімдіктің ресми сайтында жарияланған ақпаратта.
5 қыркүйекте қоғамдық көлік сағат 23:00-ге дейін жүреді.
Дүйсенбіден бастап, 7 қыркүйекте қалалық және қала маңына қатынайтын автобустар қалыпты жұмыс істейді.
Айта кетейік, қоғамдық көлікке медициналық бетперде тағып кіру керек. Жол ақысы тек электронды түрде төленеді.