26 тамыз. Нұр-Сұлтан. Ummet.kz – Елорда мешіттерінде өтіп жатқан «Мектепке жол» қайырымдылық акциясы «Әс-Сәләм» мешітінде жалғасын тапты, деп хабарлайды ummet.kz тілшісі.
Бүгін мешітте жылдағы үрдіс бойынша «Мектепке жол» акциясы аясында 88 оқушыға оқу құралдары және мектеп сөмкесі таратылды.
Іс-шараға ҚМДБ-ның Нұр-Сұлтан қаласы бойынша өкілдігінен Республикалық «Әзірет Сұлтан» мешітінің ұстазы Дінмұхаммед Сманов арнайы қатысып, акцияның мән-маңызына тоқталды. Сонымен бірге, бүлдіршіндерді жаңа оқу жылымен құттықтап, білім жолдарына сәт сапар тіледі.
Ата-аналар қауымы акцияны ұйымдастырған мешіт ұжымына алғыстарын білдірді.
